चांदण्या रातीतील भेट

एका चांदण्या रातीतील आपली ती भेट असावी,
एका चांदण्या रातीत तुझ्याशी बोलण्याची इच्छा तर खूप आहे,
तू माझ्यासमोर असावी आणि फक्त बोलताच राहावी,
आणि मी..
आणि मी फक्त तुलाच पाहत राहावे,
मग लाजेने हळूच तुझी नजर झुकावी,
आणि मी आणि मी तुझी तीच नजर पुन्हा शोधू पहावी,
मग प्रेममय झालेल्या या वातावरणात एक शांतता पसरावी,
आणि त्या पसरलेल्या शांततेलाही मग तुझीच चाहूल लागावी,
 चांदण्या या रातीत तुझे रूप इतके फुलावे की
तुला पाहणाऱ्या त्या चंद्रालाही स्वतःचीच लाज वाटावी,
माझ्या  प्रत्येक शब्दात फक्त तू आणि तूच असावी,
आणि तुझ्यासोबत असताना मला कसलीच जाणीव नसावी,
खरच चांदण्या रातीतील ती आपली भेट अशीच काहीशी असावी,
आणि ती  आठवण म्हणून मी सदैव मनात जपावी...!!!!